Venesýela óziniń áýe keńistiginde egemendigin jarııalady

ASTANA. KAZINFORM — Venesýela óziniń áýe keńistigi men aýmaǵyn tolyq baqylaýda ustaıdy. Bul týraly Syrtqy ister mınıstri Ivan Gıl Pınto málimdedi, dep habarlady TASS.

— Venesýela óziniń áýe keńistiginde táýelsiz. Eshbir kúsh Venesýela halqy men úkimetin egemendikten aıyra almaıdy, bul halyqaralyq quqyqpen kepildendirilgen, — dedi mınıstr.

Ol prezıdent Nıkolas Madýronyń Venesýela áýe keńistigine AQSh-tan 304 mıgrant mingen Eastern Airlines ushaǵynyń kirýine ruqsat bergenin habarlady.

— AQSh, Venesýela, Kolýmbııa jáne Panamanyń áýe kompanııalary ádettegideı, respýblıkanyń áýe keńistigi arqyly ushýyn jalǵastyryp jatyr, — dep atap ótti ol.

Úkimettiń «Týǵan jerge oralý» baǵdarlamasy aıasynda AQSh pen Meksıkadan oralmandar Karakasqa jetkizildi. Bıyl 94 reıspen barlyǵy 18 374 mıgrant Venesýelaǵa oraldy.

Aıta keteıik, qarasha aıynyń sońynda Tramp Venesýela ústinen áýe keńistigin jabatynyn jarııalaǵan bolatyn.