Venesýela óz krıptovalıýtasyn satylymǵa qoımaq
ASTANA. QazAqparat - El Petro dep atalatyn venesýelalyq krıptovalıýtanyń satylymy elde seısenbi kúni bastalady, dep habarlaıdy TASS.
Qańtar aıynyń basynda prezıdent Nıkolas Madýro atalmysh tsıfrlyq valıýtanyń barlyǵy 100 mıllıon birligi shyǵarylatynyn málimdegen edi. Onyń 82,4 mıllıony birinshi kezeńde ınvestorlarǵa qoljetimdi bolady. Krıptovalıýtanyń bir birligi Venesýela munaıynyń barrelimen birdeı - qazirgi tańda 60 dollardy quraıdy.
El Petro krıptovalıýtasynyń basqalardan aıyrmashylyǵy - ol naqty aktıvti qamtamasyz etedi. Madýronyń jarlyǵymen osy maqsatta Orınoko ózenindegi Aıakýcho ken ornynan 5 mıllıard barrel munaı alynǵan. Bılik krıptovalıýtany shetelden qarajat tartýǵa múmkin beredi dep esepteıdi. Bul óz kezeginde eldiń daǵdarystan shyǵýyna yqpal etedi.
