Venesýela oppozıtsııasy AQSh-tyń aralasýymen erkin saılaý ótkizýge shaqyrdy
ASTANA.KAZINFORM - Venesýela oppozıtsııasynyń jetekshisi Marııa Korına Machado el bıligin AQSh-tyń aralasýymen kelissóz bastaýǵa jáne erkin prezıdent saılaýyn ótkizýge shaqyrdy, dep habarlaıdy Anadoly.
X áleýmettik medıa platformasynda jarııalanǵan málimdemede halyqaralyq baıqaýshylardyń qatysýymen «erkin, ashyq jáne egemendi» saılaý ótkizýge shaqyrylady.
Venesýela oppozıtsııasy sonymen qatar Ulttyq saılaý keńesin (USK) taratýdy jáne eldegi senimdi qalpyna keltirý jáne saıası jaǵdaıdy qalypqa keltirý sharalaryn talap etti.
Negizgi talaptarǵa beıbit turǵyndar men áskerı qyzmetshilerdi qosa alǵanda, barlyq saıası tutqyndardy bosatý jáne jer aýdarylǵan venesýelalyqtardyń qaýipsiz oralýyna kepildik berý kiredi.
Marııa Korına Machado Venesýelaǵa azamattyq qoǵam, partııalar, kásipodaqtar, ýnıversıtetter, shirkeýler jáne jastar uıymdary qatysatyn keń saıası dıalog qajet ekenin málimdedi. Oppozıtsııa sonymen qatar AQSh usynǵan turaqtandyrý, ekonomıkalyq qalpyna keltirý jáne saıası ótpeli kezeńdi qamtıtyn úsh kezeńdi jospardy qoldady.
Machado buǵan deıin ádil jáne erkin saılaý ótkizilse, Venesýela prezıdenttigine úmitker bolýǵa daıyn ekenin málimdegen.
Osyǵan deıin Venesýelanyń burynǵy prezıdentine qatysty sot protsesi eki jylǵa sozylýy múmkin ekeni týraly jazdyq.
