Venesýela oppozıtsııasy Ýgo Chaves bastaǵan áleýmettik baǵdarlamalardy jalǵastyrmaq
ASTANA. 18 naýryz. QazAqparat - Venesýela oppozıtsııasynyń kóshbasshysy Enrıke Kaprıles eldiń eki shtatynda saılaýaldy mıtıng ótkizdi. Bul jaıynda VVS-diń orys qyzmeti habarlap otyr.
Osy sharalardyń birinde Kaprıles el úkimetin qylmystyń ósýi men ekonomıkalyq kórsetkishterdiń tómendeýine baılanysty aıyptady.
Sonymen qatar ol memleket basshysy bolyp saılanǵan jaǵdaıda burynǵy prezıdent Ýgo Chaves bastaǵan áleýmettik baǵdarlamalardy qoldaýdy jalǵastyratynyna ýáde berdi.
E. Kaprıles basqarýshy partııanyń atynan prezıdenttikke úmitker Nıkolas Madýro Chavestiń mártebesin jamylyp, bul basymdyqty paıdalanýdan aýlaq bolýy tıis ekenin atap ótti.
Aıta keteıik, Venesýelanyń jańa prezıdentin saılaý 14 sáýirge belgilenip otyr.
