Venesýela: Narazylyq saldarynan 10 mlrd. dollar kóleminde shyǵyn keldi
ASTANA. QazAqparat - Venesýela úkimetiniń esebinshe, aqpan aıynan beri osy elde jalǵasqan jappaı narazylyq aktsııalarynan kelgen shyǵyn 10 mlrd. dollarǵa baǵalandy.
Bul jaıynda Venesýela prezıdenti Nıkolas Madýro málim etti.
«Buny narazylyq dep aıtýǵa kelmeıdi. Sebebi, osy ýaqyt ishinde múlikti búldirý men lańkestikke jol berildi»,-dedi Madýro. Osy oraıda saıasatker narazylyqqa shyqqandardyń San-Krıstobal qalasynda Venesýela qarýly kúshteriniń áskerı oqý ornyna órt qoıýyn mysal retinde keltirdi. Esterińizge sala keteıik, Úkimetke qarsy jappaı narazylyqtar Venesýelada aqpannyń orta kezinde bastalǵan edi. El Parlamenti tártipsizdik barysyndaǵy zorlyq-zombylyqty tergeýmen aınalysatyn arnaıy «Ádildik komıssııasyn» qurdy.
Budan buryn habarlanǵandaı, aktsııa barysynda qaza bolǵandar sany 33-ke jetse, onyń ishinde 4-eýi áskerı qyzmetker. Sonymen qatar 79 áskerı jaraqat aldy. Eldiń Qorǵanys mınıstri Karmen Melendes kisi ólimine kináliler jaýap tartylatynyn ýáde etti, dep jazady Rosbalt.
