Venesýela men Lıvııa bereshekteri saldarynan BUU-da daýys berý quqyǵynan aıyryldy

ASTANA. QazAqparat - BUU Bas hatshysy Pan Gı-Mýn Uıymnyń Bas assambleıasyna múshe 15 el múshelik jarnany tólemegeni, endi olar BUU-da aıryqsha jaǵdaılarda ǵana daýys bere alatyny jaıly habardar etti.

Pan Gı-Mýn qol qoıǵan resmı hat juma kúni taratylǵan. Onda Bas hatshy boryshker elderdi atady, olardyń arasynda Venesýela men Lıvııa bar. Hatta Venesýela BUU-ǵa 3 mln dollar bereshek ekeni kórsetilgen.

Sondaı-aq tizimde Domınıkan respýblıkasy (2,1 mln dollar), Sent-Vınsent pen Grenadıny (2155 dollar) jáne Býrýndı (1360 dollar) bar.

Eger BUU-ǵa múshe elder ózderine qatysy joq jaǵdaılarǵa baılanysty tóleı almasa, olarda daýys berý quqyǵy qalady. Bas assambleıa soǵys jaǵdaıyndaǵy bes kedeı elge daýys berýge ruqsat beretin qarardy qabyldady, olardyń ishinde Somalı men Iemen bar.

Degenmen BUU qaýipsizdik keńesi quramyndaǵy Venesýela kelesi aıdan onyń tóraǵasy bolady. Múshelik jarna boıynsha bereshektiń buǵan áseri bolmaıdy, dep habarlaıdy Bı-bı-sı.