Venesýela men Kolýmbııa shekarasyn ashty
ASTANA. QazAqparat – Venesýela men Kolýmbııa dıplomatııalyq teketireske baılanysty jabylǵan ortaq shekarany tolyǵymen ashty, dep habarlaıdy QazAqparat Euronews aqparat agenttigine silteme jasap.
Shekara daǵdarysy 2019 jyly Bogota Karakastyń Nıkolas Madýrony jańa prezıdenttik merzimge qaıta saılanǵany týraly resmı derekterine kúmán keltirgennen keıin bastaldy. Sodan keıin Venesýela dıplomatııalyq qarym-qatynasyn úzgenin jarııalady.
Ekijaqty qarym-qatynastardyń jaqsarýyn Kolýmbııanyń birinshi solshyl prezıdenti Gýstavo Petronyń bılikke kelýimen baılanystyryp otyr. Onyń saıasatynyń basym baǵyttarynyń biri aımaqtaǵy halyqaralyq saýdany jandandyrý boldy.
