Venesýela men Iran BUU Bas Assambleıasyndaǵy daýys berý quqyn qaıtaryp aldy

ASTANA. QazAqparat - Venesýela, Iran jáne taǵy 5 el dúnıejúzilik uıymnyń bıýdjetine bereshekterin ótep, BUU Bas Assambleıasyndaǵy daýys berý quqyǵyn qaıtaryp aldy.

Bul týraly BUU bas hatshysynyń resmı ókili Stefan Dıýjarrık málim etti.

«Tólem Bahreın, Býrýndı, Domınıkan Respýblıkasy, Iran Islam Respýblıkasy, Malı, Sent-Vınsent jáne Grenadın, sondaı-aq Venesýeladan tústi»,-dep atap ótti ol.

18 qańtarda bas hatshy Pan Gı Mýn Bas Assambleıaǵa hat joldap, bereshekterine baılanysty 10 el daýys berý quqyǵynan aıyrylǵandyǵymen habardar etken edi.

Stefan Dıýjarrıktiń jýrnalısterge habarlaýynsha, 2016 jyldyń jarnasyn qazirdiń ózinde 20 memleket tólep te qoıǵan.
Foto: Reuters