Venesýela eger OPEK shuǵyl sammıtin ótkizbese munaı baǵasy 27 dollarǵa deıin quldyraýy múmkin degen qaýip aıtady

ASTANA. QazAqparat - Venesýela munaı mınıstri Eýlohıo del Pıno óziniń Telesur telearnasyna bergen suhbatynda el bıligi barlyq táýelsiz óndirýshilerdiń qatysýymen OPEK munaı óndirýshi karteli elderiniń kezekten tys sammıt ótkizýine bastama kóterip otyrǵanyn málimdedi, dep habarlady Gazeta.ru RNS-ke silteme jasap.

«Prezıdent Nıkolas Madýromen birge biz OPEK kóshbasshylary men táýelsiz óndirýshilerdi oıatyp, qańtarda shuǵyl kezdesý ótkizý qajettigin únemi esterine salyp otyrmyz», - dedi ol.

Del Pıno eger eksporttaýshylar úılestirilgen osyndaı is-qımyldan bas tartsa, munaı baǵasy qazirgi deńgeıdegiden 10 dollarǵa quldyrap, barreli 27 dollarǵa deıin túsýi múmkin degen pikirin jetkizdi.

«Barlyq óndirýshilerdiń birlesken is-qımyly - bul qajettilik. Energııanyń qaıtarymsyz kózderine ádiletti baǵany qorǵaý kerek», - dep atap ótti mınıstr.