Tramptyń ázili: Kanada, Grenlandııa, Venesýela Amerıka shtattarynyń qataryna qosylýy múmkin

ASTANA. KAZINFORM — AQSh prezıdenti Donald Tramp jyl saıynǵy «Alfalfa» keshinde Venesýela Amerıkanyń 53-shi shtatyna aınalýy múmkin ekenin aıtty, dep habarlaıdy Report.

Bul keshke BAQ ókilderi qatyspady. Sharaǵa shamamen 200 adam shaqyrylǵan. Olardyń árqaısysyna eki qonaq ertip kelýge ruqsat berilgen. Olardyń barlyǵy Capital Hilton qonaqúıine jınaldy.

The Washington Post basylymy amerıkalyq kóshbasshynyń muny «ázil-qaljyń» túrinde aıtqanyn atap ótti.

— Biz Grenlandııaǵa basyp kirmeımiz, ony satyp alamyz. Men Grenlandııany 51-shtat etýdi eshqashan maqsat etken emespin. Men Kanadany 51-shtat etkim keledi. Grenlandııa 52-shi, al Venesýela 53-shi bolýy múmkin, — dedi Tramp.

Osyǵan deıin Donald Tramp AQSh qazir Venesýelany basqarady dep málimdedi.