Venesýela amerıkandyq úsh dıplomatty el aýmaǵynan shyǵarady
ASTANA. QazAqparat - Venesýela Prezıdenti Nıkolas Madýro oppozıtsııaǵa qoldaý kórsetkeni úshin AQSh konsýldyǵynyń úsh qyzmetkerin el aýmaǵynan shyǵaratyndyǵy jaıynda málimdedi, dep habarlady Bı-Bı-Sı.
Madýronyń sózine qaraǵanda, dıplomattar jergilikti ýnıversıtetterdiń stýdentterimen kezdesýler ótkizgen kórinedi. Osy oqıǵa boıynsha AQSh tarapynyń is-qımyly ázirge belgisiz.
Aıta keteıik, osynyń aldynda venesýelalyq oppozıtsııanyń kóshbasshysy Leopoldo Lopes seısenbide Karakas kóshelerinde narazylyqtyń jańa aktsııalaryn basqarýǵa nıetti ekenin jarııalaǵan bolatyn. Bılik tarapy ony qamaýǵa alý týraly sheshim shyǵarǵanyna qaramastan osyndaı áreketke barǵaly otyr.
N. Madýro oppozıtsııa ókili Lopesti úkimetti qulatý jospary aıasynda zorlyq-zombylyqqa arandatýshylyq jasap júr dep aıyptaýda.
Venesýelada birneshe kúnnen beri qazirgi bıliktiń jaqtastary men qarsylastarynyń jappaı aktsııalary ótip jatyr. Ótken sársenbide stýdenttik narazylyq aktsııasyn taratý kezinde úsh adam ajal qushty.
