Venesýela álemdegi eń qaýipti el bolyp ataldy
ASTANA. QazAqparat - Vánesýelada azamattar úshin qaýiptilik deńgeıi álemde eń joǵary, delingen Gallup taldaý kompanııasy jarııalaǵan azamattyq qaýipsizdik ındeksinde, dep habarlady reseılik «Jańalyqtar» agenttigi.
Univision telearnasynyń atap ótýinshe, ındeks polıtsııaǵa senimdi, azamattardyń qaýip deńgeıi sezinýin jáne tirkelgen tonaýshylyq áreketterin esepke alady. Venesýelada respondentterdiń 74 paıyzy polıtsııaǵa senbeıdi, 19 paıyzy ǵana túnde kóshede júrýge qoryqpaıdy, saýal salynǵandardyń 22 paıyzy olardyń nemese týystarynyń sońǵy jyl ishinde tonaýshylyq qurbany bolǵanyn habarlady.
BUU-nyń esirtki men qylmys jónindegi basqarmasynyń málimetine qaraǵanda, Venesýela adam óltirý jaǵynan bir ǵana elge - 100 myń adamǵa shaqqanda 90,4 kisi óltirýden keletin Gondýrasqa ǵana jol beredi. Al Venesýelada bul kórsetkish 100 myń adamǵa 53,7-ni quraıdy, úshinshi orynda - Belız memleketi (44,7) tur.
Latyn Amerıkasynyń eń qaýipsiz elin sarapshylar Nıkaragýa dep sanaıdy, munda ókimet oryndary tutastaı alǵanda halqynyń ómir sapasy tómen bolǵanymen, qylmysty aýyzdyqtap otyr.
