Venetsııanyń 25 protsenti sý astynda qaldy
NUR-SULTAN. QazAqparat – Maýsym aıyndaǵy sýdyń kúrt kóterilýinen Venetsııanyń 25 protsenti sý astynda qaldy. Qalanyń keı jerlerinde sý deńgeıi 116 sm jetken, dep habarlaıdy AP agenttigi.
Venetsııanyń eń áıgili Áýlıe Mark alańy da sý astynda qaldy.
Teńizdi monıtorıngteý agenttigi shekten tys sýdyń kóterilýi Atlantıkadaǵy teńiz daýyly áserinen ekendigin aıtyp otyr. Osy daýyl Italııanyń soltústiginde kúshti jeldiń turýyna jáne nóser jańbyrdyń jaýýyna da sebepshi boldy.
La Stampa basylymynyń atap ótýinshe, maýsym aıynda sýdyń kúrt kóterilýi óte sırek jaǵdaı. Sońǵy 20 jylda bul sýdyń ekinshi ret tasýy.
Sýdyń maýsym aıynda eń joǵary kóterilýi 2002 jyly tirkelgen. Onda sý deńgeıi 121 sm jetken.
