Venetsııaǵa kelgeniń úshin aqy tóle: Ǵashyqtar qalasynda jańa salyq engiziledi

VENETsIıA. QazAqparat - Kemeden túskiń kelse, aqsha tóle - Venetsııada týrısterge jańa salyq túri ázirlenip jatyr. Tassa di sbarco - tikeleı aýdarǵanda kemeden túskeni úshin tólenetin aqy degendi bildiredi, biraq bul salyqty tek keme ǵana emes, poıyz, avtokólik, tipti ushaqpen ushyp kelgen jolaýshylar da tóleýge tıis, dep habarlaıdy QazAqparat euronews.com agenttigine silteme jasap.

Bul alym-salyq 2019 jyldan bastap engiziledi dep kútilýde. Ol mýnıtsıpalıtettiń óz betinshe qosymsha qarjy tartýyna múmkindik beredi.

Jańa salyq qazirgi qonaq úı alymynyń ornyn basady, osylaısha Venetsııada qonaq úıdi qajet etpeıtin týrıster de aqy tóleıtin bolady.

Salyq kólemi - ár qonaq úshin 2,5 eýrodan 5 eýroǵa deıin, onyń somasy maýsymǵa qaraı ózgerip otyrýy yqtımal. Venetsııa bıligi jobanyń áli óńdelip jatqanyn atap ótti. Olardyń esepteýinshe, tassa di sbarco salyǵy qazynaǵa jylyna 50 mln eýroǵa deıin tabys ákeledi.