Venetsııada koronavırýsqa baılanysty dástúrli karnaval toqtatyldy
RIM. QazAqparat – Italııanyń Veneto aýdanynda Venetsııa karnavalyn ótkizýge tyıym saldy, dep habarlaıdy QazAqparat carnevale.venezia.it saıtyna silteme jasap.
Sharanyń toqtalýyna koronavırýstyń taralyp ketýi qaýpi sebep bolǵan.
«Venetsııa karnavalynyń kópshilikke arnalǵan is-sharalaryn barlyq quzyrly organdarmen kelise otyryp, eki kún buryn toqtatyldy», delingen uıymdastyrýshylar taratqan habarlamada.
23 aqpan kúngi málimet boıynsha, Italııanyń Lombardııa jáne Veneto provıntsııalaryndaǵy 12 qalaǵa koronavırýsqa baılanysty karantın engizildi, eldimekenderdegi 50 myńǵa jýyq turǵyn úıde qalýǵa májbúr.
Eske sala ketsek, Italııada koronavırýstan úshinshi adam qaıtys boldy. Qazirgi ýaqytta 150 adam aýrýǵa shaldyqqan. Senbi kúni Italııa úkimeti eki adam qaıtys bolǵannan keıin koronavırýspen kúres boıynsha «tótenshe sharalar» qarastyratynyn málimdep, eldiń soltústik aımaǵynyń turǵyndaryna óz úılerinen shyqpaýǵa keńes berdi.
Sonymen qatar, Mılandaǵy «La Skala» teatry jeksenbi kúni koronavırýs ınfektsııasyna baılanysty saqtyq úshin jumysyn toqtatqanyn málim etti. Bul týraly aqparat teatrdyń Facebook-tegi paraqshasynda jarııalandy.
