Venetsııada donermen kúres bastaldy
ASTANA. QazAqparat - Venetsııa bıligi kóshede shaýrma satatyn jańa núktelerdiń ashylýyna tyıym salyp, pıtstsany bólikpen satatyn qoǵamdyq tamaqtaný oryndarynyń sanyna shekteý qoıdy, dep jazady The Guardian.
Mundaı zań qaladaǵy mádenı muralardy saqtaýǵa baǵyttalǵan.
«Biz Venetsııanyń mádenı muralaryn saqtaýǵa qaıshy keletin qyzmet túrlerin shektegimiz keledi», - dep málimdedi qalalyq týrızm departamentiniń basshysy Paola Mar.
Venetsııa jyl saıyn mıllıondaǵan týrısterdi qabyldaıdy. Bul, árıne, qalaǵa áser etpeı qoımasy anyq. Osyǵan oraı, bılik Venetsııanyń biregeıligi men ózindik ereksheligin saqtap qalý úshin túrli sharalar qoldanyp jatyr. Buǵan deıin Verona men Florentsııada fast-fýdtyń taralýyn shekteý týraly osyndaı sharalar engizilgen edi.
