Venetsııada dástúrli karnaval ótip jatyr
ASTANA. QazAqparat - Venetsııada dástúrli karnaval senbi kúni keshke sýdaǵy teatrlandyrylǵan kórinisten bastaldy. Ol 9 aqpanǵa deıin sozylady.
Jergilikti ýaqyt boıynsha týra saǵat 18.00-de Kannaredjo arnasy sý sahnasyna aınaldy, onda venetsııalyq óner men qolóneri kórsetildi. "CREATUM nemese Óner jáne Dástúrler" qoıylymy karnavaldyń jalpy taqyrybynyń kórinisine aınaldy.
Karnavaldyń kórkemdik jetekshisi Marko Makkapanıdiń oıynsha, Creacum - bul Venetsııanyń ejelgi kózderine, onyń qolónerine qaıta oralý ıdeıasy. Karnavaldyń bastalyp ketkenine qaramastan, onyń resmı ashylýy júz metrlik San-Marko munarasynan «perishteniń» dástúrli túsýimen jeksenbi, 31 qańtarǵa belgilengen. «Perishte» obrazyn dástúr boıynsha ótken jyly Marııa baıqaýynda tańdalǵan jas qyz somdaıdy.
Ótetin orny - San-Marko alańy. Ol jer 30 qańtardan bastap óner, qolóner sheberhanasyna aınalady. Alań perımetri boıynsha sóreler ornatylyp, sheberlerdiń daıyndaǵan qolóner týyndylary usynylady.
