Venetsııada 71-shi halyqaralyq kınofestıval jeńimpazdarynyń esimderi jarııalanady
ASTANA. QazAqparat - 71-shi halyqaralyq kınofestıval jeńimpazdarynyń esimderi 6 qyrkúıekte venetsııalyq múıistegi Lıdo aralynda jarııalanatyn boldy.
Bedeldi konkýrstyń basty marapattary - «Kıeli marktiń «Altyn» jáne «Kúmis» arystan» músini, Gran-prı men ádilqazylardyń arnaıy júldesinen 20 týyndy úmitti.
Alǵashqy kúnnen bastap resmı emes reıtıngte 10-kúndik shyǵarmashylyq marafondy ashqan meksıkalyq rejısser Alehandro Gonsales Inıarrıtýdiń "Berdmeni" (Birdman) birinshi oryndy enshilep otyr. Sondaı-aq asa erekshe, biregeı týyndy - 60-jyldardaǵy Indonezııadaǵy jappaı kisi óltirýdiń bulyńǵyr faktileri jaıyndaǵy danııalyq Djoshýa Oppenhaımerdiń "Vzglıad tıshıny" (The Look of Silence) derekti lentasy da basty úmitkerlerdiń biri.
"Volpı kýbogyna" eń úzdik er adam róli úshin birneshe tanymal ártister baq talastyrady, olar amerıkalyq Al Pachıno ("Manglhorn", Manglehorn), Ýıllem Defo ("Pazolını", Pasolini), Itan Hoýk ("Horoshee ýbııstvo", Good Kill), Vıgo Mortensen ("Vdaleke ot lıýdeı", Loin des hommes) jáne ıtalıandyq Elıo Djermano ("Neveroıatnyı molodoı chelovek", Il giovane favoloso).
Al "Volpı kýbogyna" áıel róliniń jeńimpazyn tańdaý birshama qarapaıym. Baqylaýshylardyń pikirinshe, Sharlotta Gensbýrdyń ("Trı serdtsa", 3 coeurs) múmkindigi joǵary.
