Venetsııa sýǵa batyp barady
ASTANA. 4 mamyr. QazAqparat - Venetsııanyń sýǵa batyp bara jatqanyn ejelgi qonystanýshylar da baıqaǵan bolatyn, alaıda sońǵy júz jylda bul úderis shapshańdaı túskendeı, dep habarlady Comments.UA saıty.
HH ǵasyrda Venetsııa ornalasqan qurǵaq ýchaske 23 santımetrge sýǵa batqan. Qalada sý tasqyny jıileı bastady - Qasıetti Mark alańy búgingi kúnderi jylyna 100 ret sýǵa shaıylýda, al ótken ǵasyrdyń basynda ol sý tasqynynan bir jylda on ret qana zardap shekken bolatyn. Mamandardyń esepteýinshe, 2028 jylǵa qaraı qalada ómir súrýge múmkindik bolmaıdy, al 2100 jyly múldem sý astyna ketedi.
Venetsııany jıi sý shaıýy jahandyq jylynýmen, muzdyqtardyń erýimen jáne Álemdik muhıt deńgeıiniń kóterilýimen baılanystyrylýda. San-Dıegodaǵy Kalıfornııa ýnıversıtetiniń ǵalymdary spýtnıktiń kómegimen alynǵan málimetterdi taldaı kelip, Venetsııa eki mıllımetr shańshańdyqpen, al Venetsııa lagýnasynyń ońtústik bóligi jylyna tipti tórt mıllımetr shańshańdyqpen sýǵa batyp bara jatqanyn anyqtaǵan. Kalıfornııa ǵalymdary muny aımaq tektonıkasynyń ereksheligimen baılanystyrady - Venetsııa ornalasqan Adrıat taqtasy Apennın túbeginiń qalǵan bóliginiń qysymyna ushyraýda.
Qazir Venetsııany qutqarýdyń ártúrli jobalary qarastyrylýda.
