Venetsııa komıssııasy Qazaqstannyń Joǵarǵy sot keńesiniń reformasyn qoldady
«Joǵarǵy sot keńesi refomalarynyń tujyrymdamasy sýdıalardyń táýelsizdigin qamtamasyz etip, olardyń kásibı biliktiligin arttyryp, qalyń kópshiliktiń senimine ıe bolýyn qarastyrady»,-delingen habarlamada.
Qujatta Tujyrymdamada kórsetilgen usynystardyń basym kópshiligi atalǵan maqsattarǵa qol jetkizýge yqpal etetindigi jáne eýropalyq standartarǵa saı ekendigi aıtylǵan.
Soǵan qaramastan qujattyń kemshin tustary da joq emes. Oǵan óktemdik jetispeıtin sııaqty. Óz kezeginde ol reformanyń tıimdiligine nuqsan keltirýi yqtımal.
Venetsııa komıssııasynyń ókilderi Qazaqstanda sýdbıalardy irikteý júıesi óte kúrdeli dep esepteıdi. Óıtkeni ol kóptegen protsedýralardan ótýdi jáne kóptegen qatysýshylardyń bolýyn qajet etedi. Sondyqtan bul jerde birshama ońtaılandyrýlar bolady. Qujattyń utymdy tusy da sol.
Tujyrymdamada sýdıalardy irikteý júıesin reformalaýdan bólek sottaǵy mansapty jastar úshin qarjylaı jáne ózge de jaǵynan tartymdy etý jónindegi kózqarastar kórinis tapqan.
Atalǵandarmen qatar Venetsııa komıssııasy sýdıalardyń biliktilik emtıhanynan ótetin kezinde adamnyń jalǵan málimet berip otyrǵanyn anyqtaıtyn arnaıy qurylǵyny (detektor ljı) paıdalanýdy usynady. Óz kezeginde ol jiberilgen etıkalyq jáne tártiptik kemshilikterdi anyqtaýǵa múmkindik beredi.
Venetsııa komıssııasy usynylǵan zań jobasynyń jaqyn arada Parlament tarapynan qabyldanatynyna úmit artady.
Aıta keteıik, 1990 jyly negizi qalanǵan Eýropalyq Keńes janyndaǵy Venetsııa komıssııasy (Demokratııa jolyndaǵy Eýropalyq komıssııa) quqyqtyq salada pikir almasý jónindegi halyqarlyq deńgeıde moıyndalǵan táýelsiz forým sanalady. 2011 jyldyń qarashasynda Venetsııa komıssııasyna Qazaqstan da qosyldy.
