Venetsııa kınofestıvaline 23 kartına qatysyp jatyr

NUR-SULTAN. QazAqparat – Eýropada Venetsııa halyqaralyq kınofestıvali bastaldy, dep habarlaıdy QazAqparat Euronews agenttigine silteme jasap.

Negizgi baıqaýǵa álemniń túkpir-túkpirinen 23 kartına qatysyp jatyr. Onyń 13-i Eýropada shyqqan.

Italııa, Frantsııa jáne Ulybrıtanııa usynǵan tańdamaly fılmder legi frantsýz rejısseri Florıan Zellerdiń «Ul» dramasymen bastaldy.

Bul fılm ata-anasynyń ajyrasýyna baılanysty depressııamen kúresip júrgen 17 jasar bala men ákesi arasyndaǵy qarym-qatynas jaıynda baıandaıdy.

Sondaı-aq, negizgi baǵdarlamaǵa «Monıka» fılmi kirdi.

Bul - rejısser Andrea Pallaoronyń tósek tartqan anasyna kútim jasaý úshin úıine oralǵan transgender áıel týraly túsirgen amerıkalyq-ıtalıandyq drama.

Basty rólde - akter Treıs Lısetta.

«Netflix» strımıng platformasy shyǵarǵan fılmder de «Altyn arystanǵa» úmitker. Bıyl «Netflix» venetsııalyq kınobaıqaýda tórt fılmin usyndy.

Foto: ru.euronews.com