Venetsııa kınofestıvali tóreshileriniń tóraǵasy taǵaıyndaldy
ASTANA. 4 maýsym. QazAqparat - Amerıkandyq kınematografıst Maıkl Mann 69-shy halyqaralyq Venetsııa kınofestıvali tóreshilerin basqarady.
Bul jaıyndaǵy aqparat sharanyń resmı saıtynda jarııalandy, dep habarlaıdy Lenta.rý.
Mann "Teketires", "Óz adamymyz", "Djonnı D" "Álı" syndy fılmderdiń qoıylymyna qatysyp, osy kartınalardyn barlyǵynyń stsenarıılerin jazýǵa qatysqan. Onyń prodıýserlik jobalary qatarynda "Alań", "Henkok", "Patshalyq" jáne "Avıator" fılmderi bar.
69-shy halyqaralyq Venetsııa kınofestıvali 29 tamyz ben 8 qyrkúıek aralyǵynda ótedi. Sharanyń baǵdarlamasy shildeniń sońynda bolatyn baspasóz máslıhatynda jarııalanady.
