Venchýrlyq bızneste qalaı tabysqa jetýge bolady: sheteldik jáne qazaqstandyq sarapshylar keńesi
«Qazaq venchýrlyq ındýstrııasy degen joq. Investıtsııa jasaıtyn jekelegen bıznes-perishteler men qorlar bar. Ony qurý úshin túptep kelgende bireýler kóshbasshy bolyp, standarttar berýi, aqshaǵa qarsy aqsha tartýy, sonymen qatar bizdi ózge ekojúıelermen yqpaldastyratyn álemge aty tanymal basqarýshy kompanııany tartý kerek. 18 mln halqy bar,barlyq logıstıkalyq joldardan, teńizden shalǵaı jatqan, satyp alýshylyq qabileti tómen Qazaqstan eshkimge de qyzyq emes. Eger úlken ekojúıelermen yqpaldaspasaq, onda bizge eshteńe joq. Muny qalaı isteý kerek? Qazirdiń ózinde úlken naryqtarda jumys isteıtin kompanııalardy tartý arqyly ǵana. Biz Máskeýden «Almaz-Kapıtal», Sıngapýrdan Golden Gate kompanııalaryn tartyp, osy jerde keńse ashamyz. Olardyń aqshalarynyń ústine basqarý úshin aqsha beremiz, olar da aqsha salady, bizge. Nátıjesinde startap ósirip shyǵaramyz, ınvestıtsııalaımyz jáne úlken naryqtarǵa shyǵýǵa múmkindik beremiz», - dedi «Báıterek» UBH basqarýshy dırektory Ádil Nurǵojın «Venchýrlyq kapıtaldy damytýdaǵy memleket róli» taqyrybyndaǵy sessııa barysynda.
Shara barysynda transshekaralyq strategııalyq jáne venchýrlyq ınvestıtsııa salasynda 20 jyldyq tájirıbesi bar Jubilee Capital Management kompanııasynyń basqarýshy dırektory Gan Fon Djekte óz kózqarasyn bildirdi.
«Biz kompanııalarmen venchýrlyq ınvestıtsııany talqylaǵan kezde keıde olardyń qundylyqtary bizdikinen ózgeshe bolyp shyqty. Bizdiń mindetimiz eki taraptyń arasynda senimniń belgili bir deńgeıine qol jetkizý boldy. Biz ınvestorlar men isin endi bastaǵan kásipkerler arasynda kópir bola aldyq. Buǵan qosa, jobalar da densaýlyq saqtaýdan bastap ózge de salalarǵa qatysty alýan túrli edi. Bir jaǵynan qundylyqtardy úılestirý, ekinshi jaǵynan ınvestorlar úshin tartymdylyqty qoldan jiberý almaý qajet boldy», - dedi sheteldik sarapshy.
Onyń aıtýynsha, kásipkerler men ınvestorlardyń ártúrli maqsattary túıisý núktesi joq degendi bildirmeıdi.
«Árıne, bul jobalardyń barlyǵyna da kapıtal jumyldyryldy. Bizdiń negizgi alýshymyz barynsha tartymdy kompanııalar sanalady. Óıtkeni, bizdiń kompanııanyń quramyna burynǵy kásipkerler men ınvestorlar kiredi. Buǵan qosa, Úkimetpen de tyǵyz baılanysymyz bar. Ókinishke oraı, bul qatynastardy retteıtin naqty quqyqtyq bazamyz bolmaı tur. Degenmen, ony kútip otyrmyz», - dedi ol.
Sonymen qatar sheteldik sarapshy venchýrlyq jobalarda barlyq ýaqytta da ınvestıtsııany naqty baǵalaýda aıqynsyzdyq ári aqparattyń tolyq emestigi oryn alatyndyǵyn aıtty. Al bul sheshim qabyldaýda qıyndyqtar týdyrady. Osy rette ol venchýrlyq bıznesti damytý úshin eń ońtaıly krıterıılerdi atady.
«Durys yntalandyrý, quryltaıshynyń jáne negizgi basqarýshy komandanyń myqty biliktilik jáne atqarýshylyq quzyreti; usynylǵan sheshimniń naryqtyq baǵasy jáne anyqtalǵan naryqtyq problemalardy sheshýge arnalǵan bıznes model men bıznes úshin múmkinshilikter alý; baǵyttalǵan naryqtyń áleýetin aqylǵa qonymdy aıqyndaý ári kompanııanyń básekelestik basymdyǵyn turaqty ıgerý; sondaı-aq tartymdy bastapqy baǵa men shynaıy shyǵý joldary», - dep tizbektedi ońtaıly krıterıılerdi Gan Fon Djek.
Aıta keterligi, «Venchýrlyq kapıtaldy damytýdaǵy memleket róli» taqyrybyndaǵy sessııaǵa shamamen 200 adam qatysyp, 5 sheteldik ınvestor sóz sóıledi.
