Venanyń Palffı saraıynda Qazaqstan Konstıtýtsııasynyń 15 jyldyǵyna arnalǵan saltanatty qabyldaý ótti
Qabyldaý qonaqtary - joǵary laýazymdy avstrııalyq saıasatkerler, syrtqy saıasat vedomstvosynyń ókilderi, Avstrııada tirkelgen dıplomatııalyq mıssııalardyń basshylary men ókilderi boldy. Eýropalyq bıznes-qaýymdastyqtyń tanymal ókilderi, metsenattar men qoǵam qaıratkerleri saraıdyń kórkem galereıasyna shaqyrylyp, Avstrııadaǵy Qazaqstan Elshiligi uıymdastyrǵan sýret kórmesin tamashalady.
Óziniń sózinde Avstrııadaǵy QR Elshisi Erjan Qazyhanov atap ótkendeı: «Táýelsizdik pen Konstıtýtsııa bizdiń elimizge álemdik qaýymdastyqta óziniń ornyn tabýǵa jáne barlyq sheteldik áriptestermen ózara tıimdi saıası-ekonomıkalyq baılanystardy damytýǵa, údemeli damýǵa múmkindik berdi. Qazirgi kúni QR dıplomatııalyq mıssııalary álemniń 50 elinde jemisti jumys atqarýda. Osy halyqaralyq dıalogtyń damýyna bizdiń halqymyzdyń mádenı, shyǵarmashylyq jáne óner týyndylarynyń úlesi orasan. Biz eń aldymen osylarǵa súıenip, Qazaqstan týraly osy jádigerler arqyly áńgimeleımiz».
Atap ótý kerek, Qazaqstan Elshiliginiń Avstrııada ótkizip jatqan mádenı sharalary arqyly avstrııalyqtar Qazaqstannyń ulttyq mádenıeti, dástúri men tarıhynan mol maǵlumat tanýǵa múmkindik aldy.