Venanyń eń bıik ǵımaraty satylymǵa shyǵaryldy
ASTANA. QazAqparat - Avstrııada Vena qalasynyń eń bıik ǵımaraty satylymǵa shyǵaryldy, dep habarlaıdy euromag.ru.
Bul nysan eldiń bas banki holdınginiń qutylmaqshy bolǵan jyljymaıtyn múlikteriniń tizimine endi.
Osy aptada Avstrııa banki jyljymaıtyn múlikti basqarý banktiń tikeleı maqsaty emes ekenin, sondyqtan ol óz nysandaryn satyp jibermek nıettenip otyrǵandyǵyn málim etti. Saýdaǵa barlyǵy 80 nysan qoıylady, olardyń arasynda 95 paıyzdyq úlespen Venanyń eń tanymal ári zamanaýı kózge kórinerlik jerleriniń biri - 252 metrlik Dýnaı munarasy bar, dep habarlaıdy The Local.
Ǵımarattardyń áleýetti ıelerin izdestirý úderisi ashyldy. Usynystar jergilikti jáne sheteldik ınvestorlarǵa jasaldy. Usynystardy qarastyrýǵa satyp alýshylardyń jarty jyl ýaqyty bar.
