Venadaǵy qazaqstandyq stýdentter elimizdegi turaqtylyq, beıbitishilik pen bizdiń jastarymyzdyń bolashaǵy úshin daýys berdi
VENA. 4 sáýir. QazAqparat /Tımýr Bekturǵanov/ - Keshe, 3 sáýir kúni Vena qalasyndaǵy QR Elshiliginde ashylǵan №118 saılaý ýchaskesinde Ortalyq Eýropa ýaqytymen saǵat 20.00-de prezıdenttiń kezekten tys saılaýyna daýys berý aıaqtaldy.
Elde tirkelgen 151 saılaýshy arasynda daýys berýdiń alǵashqy saǵattarynda 139 azamat óz tańdaýyn jasady. Ýchaskelik saılaý komıssııasynyń málimetteri boıynsha, daýys berýge saılaýshylardyń 80 paıyzy qatysqan.
Avstrııadaǵy saılaý ýchaskesinde ótken daýys berý qorytyndysy boıynsha, QR Prezıdentiniń saılaýynda 132 daýys jınaǵan qazirgi Elbasy Nursultan Nazarbaev jeńiske jetti. Prezıdenttiń kezekten tys saılaý naýqanyna qatysqan Ǵanı Qasymov 4 daýys, Mels Eleýsizov 2 daýys, Jambyl Ahmetbekov - 0 daýys jınady.
Saılaý ýchaskesiniń janynda ártúrli baǵdarlama boıynsha Vena dıplomatııalyq akademııasynda bilim alyp júrgen qazaq stýdentteri jýrnalıstermen óz oılaryn bólisti. Solardyń biri 23 jastaǵy Temir esimdi stýdent: «Men Nursultan Nazarbaevqa daýys berdim. Men tek elimizdiń turaqty damýyn, qoǵamnyń gúldenip, barlyq qazaqstandyqtardyń beıbit ómir súrýin qazirgi Memleket basshysynyń jumysymen ǵana baılanystyramyn», - degen oıyn jetkizdi.
