Venadaǵy alyp saǵat «Evrovıdenıe-2015» baıqaýynyń bastalýyna deıin qalǵan ýaqytty sanaýǵa kiristi
ASTANA. QazAqparat - Venanyń ortalyǵyndaǵy alyp saǵat 8 qańtarda «Evrovıdenıe-2015» halyqaralyq án baıqaýynyń bastalýyna deıingi ýaqytty sanaýǵa kiristi, dep habarlanǵan baıqaýdyń resmı saıtynda.
Ratýsha alańyndaǵy jaryq dıodtarymen jabylǵan 8 metrlik stela "Evrovıdenıe-2015" baıqaýynyń aqtyq kezeńine deıin 135 kún qalǵanda ornatyldy. Munaranyń jalpy salmaǵy - 4900 keli, ol atmosferalyq qubylystardyń áserine tózimdi, tipti saǵatyna 130 shaqyrym jyldamdyqpen soǵatyn jel kezinde de qozǵalmaıdy.
Jaqynda Eýropanyń eń úlken mýzykalyq sharasyn ótken jyly qabyldaǵan Kopengagen qalasy meriniń baıqaýdyń sımvolıkalyq kiltin «Evrovıdenıeniń» qazirgi ıelerine tabystaý rásimi ótedi.
Aıta keteıik, «Evrovıdenıe-2015» án baıqaýy Avstrııanyń Vena qalasynda ótpek. Baıqaýdyń eki jartylaı fınaly 19 jáne 21 mamyrda, al fınaly 23 mamyrda bolady. Halyqaralyq án baıqaýyna 39 eldiń ónerpazdary qatysady. 19 mamyrda ótetin "Evrovıdenıe-2015" baıqaýynyń birinshi jartylaı fınalynda 16 eldiń óner ókilderi, al 21 mamyrdaǵy ekinshi jartylaı fınalynda 17 eldiń ánshileri jurtshylyq aldyna shyǵady. 26 qańtarda qaı elderdiń birinshi jartylaı fınalda, qaı elderdiń ekinshi jartylaı fınalda óner kórsetetini belgili bolady.
