Venada ıadrolyq qarýdy taratpaý júıesin nyǵaıtýda Qazaqstannyń qosqan úlesin qarastyrdy

ASTANA. QazAqparat - Venada «Turaqty beıbitshilik úshin jańa sharalar» taqyrybynda BUU júıesiniń máseleleri boıynsha Akademııalyq keńestiń jyl saıynǵy konferentsııasy ótti. Ony ıAdrolyq synaqtarǵa jan-jaqty tyıym salý týraly sharty uıymy men Vena qalasynyń mýnıtsıpalıteti uıymdastyrdy.

Konferentsııada beıbitshilik pen qaýipsizdik, sonymen qatar áldeqaıda turaqty beıbitshilik úshin sharalar máseleleri talqylandy.

Spıker retinde sóz sóılegen Venadaǵy halyqaralyq uıymdar janyndaǵy QR turaqty ókili Qaırat Sarybaı Qazaqstannyń qarýsyzdaný jáne ıadrolyq qarýdy taratpaýyndaǵy jetistikterin, ıadrolyq synaqtarǵa tyıym salý salasynda Qazaqstan men ıAdrolyq synaqtarǵa jan-jaqty tyıym salý týraly sharty uıymynyń arasyndaǵy tıimdi yntymaqtastyqty, sonymen qatar ıadrolyq qarýdy taratpaý rejımin nyǵaıtýǵa Qazaqstannyń qosqan úlesin atap ótti.

Atap ótý kerek, sharaǵa qatysýshylar Qazaqstannyń Prezıdenti Nursultan Nazarbaevtyń BUU Bas Assambleıasynyń 70-sessııasynda jarııalaǵan bastamalaryn qoldaıdy.

Konferentsııaǵa dıplomatııalyq korpýstyń, halyqaralyq uıymdardyń, Avstrııanyń syrtqy saıası vedomstvosynyń, úkimettik emes uıymdardyń, akademııalyq jáne stýdenttik ortanyń ókilderi qatysty, dep habarlady QR SІM baspasóz qyzmetinen.