Venada Semeı polıgonynyń jabylýynyń 30 jyldyǵyna arnalǵan kórme ashyldy

VENA. QazAqparat – Semeı ıadrolyq polıgonynyń jabylýynyń 30 jyldyǵyna arnalǵan is-sharalar aıasynda Venadaǵy BUU ǵımaratynyń ortalyq zalynda taqyryptyq kórme ashyldy. Bul týraly QazAqparat QR SІM baspasóz qyzmetine silteme jasap habarlaıdy.

Onda biregeı fotosýretter, tarıhı qujattardyń, onyń ishinde Qazaqstannyń Tuńǵysh Prezıdenti – Elbasy Nursultan Nazarbaevtyń polıgondy jabý týraly Jarlyǵynyń, kóshirmeleri, sonymen qatar atalǵan taqyryp boıynsha balalardyń sýretteri usynylǵan.

Kórmede polıgonnyń qyzmetine jáne jabylýyna qatysty beınerolıkter men sırek kezdesetin fotosýretter, sonymen birge polıgon tarıhyn egjeı-tegjeıli baıandaıtyn brıtandyq rejısser Andre Sıngerdiń «Jel qaıdan soqqan edi» atty derekti fılmi kórsetilýde.