Venada ótken Sırııa jónindegi mınıstrlik kezdesýdiń nátıjelerin Qazaqstan quptaıdy - QR SІM
ASTANA. QazAqparat - QR Syrtqy Іster mınıstrligi Vena qalasynda 14 qarashada ótken Sırııa jónindegi ekinshi mınıstrlik kezdesýdiń qorytyndysy boıynsha málimdemesin jarııa etti.
«14 qarashada Venada ótken Sırııa jónindegi mınıstrlik kezdesýdiń nátıjelerin Qazaqstan quptaıdy. Onyń barysynda 2012 jylǵy 30 maýsymdaǵy Jeneva kommıýnıkesi negizinde Sırııadaǵy daǵdarysty retteýdiń beıbit úderisin qamtamasyz etý boıynsha aıtarlyqtaı kelisimderge qol jetkizildi. Sırııalyq daǵdarysty retteýge atsalysyp júrgen, sonyń ishinde SAR Úkimeti men oppozıtsııa kúshterin Sırııada tez arada oq atýdy toqtatýǵa, koalıtsııalyq úkimet qurýǵa, jańa Ata zań qabyldaý men barlyq sırııalyq azamattardyń qatysýymen 18 aı ishinde jalpyǵa ortaq saılaý ótkizýge baǵyttalǵan Vena-2 bastamalaryn tolyǵymen júzege asyrýǵa shaqyramyz. Kelissózder qatysýshylary, sonyń ishinde Taıaý Shyǵystaǵy RF, AQSh, EO jáne basqa da mańyzdy faktorlar arasynda asa mańyzdy máseleler boıynsha keń aýqymdy konsensýsqa kelýin erekshe atap ótip, bul ásirese jaqynda Irakta, Túrkııada, Lıvanda jáne Frantsııada oryn alǵan terrorısttik aktiler asynda qazirgi zamanǵy basqa ózekti máselelerdi ǵalamdyq qaýipsizdik úshin sheshýge úlgi bolady. Qazaqstan 2015 jylǵy mamyr jáne qyrkúıek aılarynda birqatar sırııalyq oppozıtsııalyq toptaryna kelissózder ótkizýge alań usynyp, Sırııalyq daǵdarysty retteýge óziniń aıtarlyqtaı úlesin qosty», delingen habarlamada.
