Venada Keńes áskeriniń eskertkishine gúl shoqtaryn qoıý rásimi ótti

ASTANA. 9 mamyr. QazAqparat - Avstrııa astanasynyń ortalyǵyndaǵy Shvartsenberg alańynda Uly Otan soǵysyndaǵy Jeńistiń 67 jyldyǵyna oraı Keńes áskeri eskertkishine gúl shoqtaryn qoıý rásimi ótti.

Saltanatty sharaǵa TMD-nyń múshe memleketteri dıplomatııalyq mıssııalarynyń jáne Gıtlerge qarsy kolaıtsııa elderiniń basshylary qatysty, dep habarlaıdy QR SІM-niń baspasóz qyzmetinen.

Bizdiń elimizdiń dıplomatııalyq ókildiginiń atynan Qazaqstannyń Venadaǵy BUU janyndaǵy halyqaralyq uıymdardyń turaqty ókili, Elshi Qaırat Ábdrahmanov pen áskerı attashe, polkovnık Arman Ákishev gúl shoǵyn qoıdy.

Avstrııany fashıstik basqynshylardan azat etýde 100 myń keńestik jaýyngerlerdiń erlikpen qaza tapqany belgili, olardyń arasynda qazaqstandyqtar da bolǵan.