Venada Qazaqstannyń bastamasymen EQYU aıasynda esirtkige qarsy kúres máselelerine baılanysty konferentsııa ótýde
ASTANA. Shildeniń 8-i. QazAqparat - Búgin Venada (Avstrııa Respýblıkasy) Qazaqstannyń bastamasymen esirtkiniń zańsyz aınalymyna qarsy kúres jáne prekýrsorlarǵa baqylaýdy kúsheıtý boıynsha konferentsııa ótip jatyr.
Alqaly jıyndy Qazaqstan Respýblıkasynyń EQYU-daǵy turaqty ókildigi, QR Іshki ister jáne Syrtqy ister mınıstrlikteri, sonymen qatar EQYU polıtsııa qyzmetiniń strategııalyq máseleler bólimi uıymdastyrýda. Bul aqparatty elimizdiń Іshki ister mınıstrliginiń baspasóz qyzmeti taratyp otyr.
Іshki ister mınıstri S.Baımaǵanbetov basshylyq etken qazaqstandyq delegatsııa quramynda Bas prokýratýra, Ulttyq qaýipsizdik komıteti, Іshki ister mınıstrligi, Syrtqy ister mınıstrligi, Qarjy mınıstrliginiń Kedendik baqylaý komıtetiniń ókilderi bar.
«Konferentsııaǵa esirtkige qarsy kúres jónindegi joǵary deńgeıdegi ulttyq sarapshylar, yntymaqtastyq boıynsha áriptester men halyqaralyq jáne óńirlik uıymdardyń ókilderi qatysýda. Atalǵan is-shara eń aldymen esirtkiniń jáne psıhotroptyq zattardyń zańsyz aınalymyna, transulttyq uıymdasqan qylmysqa qarsy kúreske qatysýshy-memleketterge EQYU qoldaýyn kúsheıtýge, sondaı-aq quqyq qorǵaý organdary men EQYU qatysýshy-memleketter arnaıy organdarynyń ózara is-qımyldaryn jaqsartýǵa baǵyttalǵan», delingen baspasóz habarlamasynda.
Vedomstvonyń habarlaýynsha, is-shara barysynda esirtki bıznesi ártúrli elderdiń turaqtylyǵy men qaýipsizdigine aıtarlyqtaı qaýip tóndiretini, áleýmettik-ekonomıkalyq jáne saıası damýǵa kedergi keltiretini atalyp ótilgen.
Konferentsııany ashqan elimizdiń Іshki ister mınıstri esirtki qylmysyna qarsy kúres problemasy transshekaralyq sıpatqa ıe ekenin jáne oǵan barlyq múddeli memleketter men halyqaralyq uıymdardyń birlesip qabyldaǵan is-áreketi men yntymaqtastyǵy negizinde ǵana qarsy turýǵa bolatyndyǵyn atap ótken.
