Venada Erdoǵandy qoldaý sherýinen soń Túrkııa elshisi jaýapqa shaqyrtyldy
ASTANA. QazAqparat - Túrkııa prezıdenti Rejep Taıyp Erdoǵanǵa qoldaý bildirý maqsatynda ótken sherýge baılanysty Avstrııa bıligi Túrkııa elshisinen túsindirme talap etti, dep habarlady Avstrııa SІM basshysy Sebastıan Kýrts. Bul týraly VVS agenttigi habarlady.
«ORF» radıostantsııasynyń suhbatynda Sebastıan Kýrts Túrkııadaǵy bolmaı qalǵan memlekettik tóńkeristen keıin Erdoǵandy qoldaıtyn aktsııalar ótkizýge Stambuldyń qatysy bar-joǵyn Elshi túsindirýi kerek ekenin aıtty.
«Bizde, Venada ótken Erdoǵandy qoldaý sherýi tikeleı Túrkııanyń uıymdastyrǵany, ol týraly aıǵaqtar bar... árıne, mundaı áreketterge jol joq, biz de óz qarsylyǵymyzdy bildirgimiz keledi», - dep málimdedi Kýrts.
