Venada EQYU-nyń Qaýipsizdik salasyndaǵy problemalaryna sholý jónindegi jyl saıynǵy konferentsııa ótedi
aýsymnyń 14-i. QazAqparat /Ernur Aqanbaı/ - Maýsymnyń 14-16-sy kúnderi Venada qazaqstandyq tóraǵalyqtyń basshylyǵymen EQYU-nyń Qaýipsizdik salasyndaǵy problemalaryna sholý jónindegi jyl saıynǵy konferentsııasy ótedi. Bul týraly dúısenbidegi brıfıngte QR Syrtqy ister mınıstrliginiń resmı ókili Asqar Ábdirahmanov aıtty.
Onyń sózine qaraǵanda, konferentsııada eýroatlantıkalyq jáne eýrazııalyq qaýipsizdiktiń ózekti máseleleri, EQYU-ǵa múshe elderdiń transulttyq qaýiptermen kúrestegi, senim men qaýipsizdikti nyǵaıtý sharalary salasyndaǵy yntymaqtastyǵynyń qazirgi jaǵdaıy men perspektıvasy, qaıshylyqtardyń aldyn-alýdaǵy jáne retteýdegi uıymnyń róli talqylanatyn bolady. «EQYU-ǵa múshe elder Eýropadaǵy kádimgi qarýly kúshter týraly shart tóńiregindegi jaǵdaıǵa baılanysty qarýlanýdy baqylý rejımindegi daǵdarystan shyǵýdyń yqtımal joldaryn talqylaıdy. Jeke jumys sessııasy aıasynda Aýǵanstandaǵy jaǵdaı jáne atalmysh eldi qalypty ómirge qaıtarý jónindegi áreketke EQYU-nyń qatysýyn belsendirý perspektıvasy talqylanatyn bolady», dedi A. Ábdirahmanov.
Onyń aıtýynsha, atalmysh sharaǵa Qazaqstan tarapynan QR Syrtqy ister mınıstriniń orynbasary, EQYU-nyń Іs basyndaǵy tóraǵasynyń Qazaqstandaǵy arnaıy ókili Konstıntın Jıgalov bastaǵan delegatsııa qatysady.
