Venada EQYU 18-shi ekonomıkalyq-ekologııalyq forýmynyń birinshi otyrysy bastalady
ASTANA. Aqpannyń 1-i. QazAqparat /Jasulan Amanbaıuly/ - Búgin, dúısenbide Venada Eýropadaǵy qaýipsizdik jáne yntymaqtastyq uıymynyń 18-shi ekonomıkalyq-ekologııalyq forýmynyń birinshi otyrysy bastalady.
Bul jóninde búgin Syrtqy ister mınıstrliginiń resmı ókili Asqar Ábdirahmanov aptalyq brıfıng barysynda málim etti, dep habarlaıdy QazAqparat.
«Shekaradan ótý oryndaryn laıyqty nyǵaıtý jáne halyqaralyq avto- jáne temirjol kólik qatynastary qaýipsizdigin arttyrý» atty forým aqpannyń 1-i men 2-si aralyǵynda ótedi. Oǵan Uıymǵa múshe elderdiń memlekettik organdary, halyqaralyq úkimettik jáne úkimettik emes uıymdar, iskerlik jáne sarapshylar toptarynyń ókilderi, jalpy sany 300-ge tarta qatysýshylar tirkelgen.
A. Ábdirahmanovtyń aıtýynsha, forýmǵa qatysatyn qazaqstandyq delegatsııany Kólik jáne kommýnıkatsııa mınıstriniń orynbasary Azat Bekturov bastap barady.
