Venada Dýnaı ózeniniń deńgeıi qaýipti kórsetkishke jetti
ASTANA. 5 maýsym. QazAqparat - Avstrııa astanasy - Vena qalasynda sýdyń deńgeıi eń joǵary kórsetkishke jetip qaldy.
Sońǵy aqparatqa sáıkes, el sınoptıkteri Dýnaı ózeniniń deńgeıi 2002 jylǵy kórsetkishten asyp ketetindigin boljap otyr. Sol kezde Avstrııa sońǵy júz jylda bolmaǵan eń qatty sý tasqynyna ushyrady. Meteorologtar habarlaǵandaı, sý, eń aldymen, Venaǵa jaqyn jatqan Vahaý alqabyn jaılaıdy. «Kınshtok» baqylaý stansasy keshe Dýnaı ózeniniń 10,69 metrge deıin kóterilgenin rastady.
