Venada bıznesti qorǵaýǵa baǵyttalǵan qazaqstandyq joba tanystyryldy

VENA. QazAqparat - 28 qyrkúıek kúni Avstrııa elordasynda qazaqstandyq-avstrııalyq ekonomıkalyq forýmynyń alańynda Memlekettik qyzmet isteri jáne sybaılas jemqorlyqqa qarsy is-qımyl agenttigi qazaqstandyq bıznes pen ınvestorlardy qorǵaý boıynsha jobasyn tanystyrdy, dep habarlaıdy QazAqparat.

«Qazaqstan bıznesti jeńil júrgizý úshin barlyq jaǵdaıdy jasady. Sheteldik ınvestorlar keńesi tıimdi jumys isteıdi. «Astana» Halyqaralyq qarjy ortalyǵy quryldy, onda aǵylshyn zańdarynyń prıntsıpteri boıynsha táýelsiz qarjylyq sot jumys isteıdi. Biz EYDU Investıtsııalyq komıtetiniń múshesi boldyq jáne ınvestıtsııalardy qorǵaý týraly 50-ge jýyq kelisimshartqa qol qoıdyq. 62 el úshin vızasyz rejım engizdik. Investıtsııa tartýdy kúsheıtýge baǵyttalǵan osy úrdisti jalǵastyrýda Agenttik adal bıznesti qorǵaýǵa negizdelgen «Bıznesti jáne ınvestıtsııany sybaılas jemqorlyqqa qarsy qarsy súıemeldeý» jobasyn iske qosty. ıAǵnı, ınvestorlardy teris pıǵyldy sheneýnikterdiń tarapynan oryn alatyn kez kelgen bıýrokratııalyq jáne sybaılas jemqorlyq qol suǵýshylyqtan 100% qorǵaý. Tek 3 aıda, biz quny 12 mlrd evrodan astam 140 bıznes-jobany sybaılas jemqorlyqqa qarsy qamqorlyqqa aldyq», - dep atap ótti Alık Shpekbaev.

Budan basqa, Agenttik tóraǵasy laýazymdy tulǵalardyń kásipkerlik qyzmetke zańsyz aralasýyn boldyrmaý jónindegi jumystyń kúsheıtilgenin atap ótti.

«Qazaqstan bıznesti tıimdi júrgizý úshin shyǵyndardy azaıtýǵa kóp kóńil bóledi. Buǵan aǵymdaǵy jyly memlekettik organdardyń baqylaý-qadaǵalaý fýnktsııalarynyń 30%-ǵa qysqartylǵandyǵy dálel», - dedi spıker.

Avstrııaǵa issapar barysynda A. Shpekbaev Avstrııanyń Memlekettik qyzmet jáne sport mınıstrliginiń Bas hatshysy  R. Vaınertpen jáne Memlekettik basqarý akademııasynyń dırektory K. Hartmannmen eki jaqty kezdesýler ótkizdi.