Venada «Astana» komandasynyń 2010 jyldaǵy tusaýkeser rásimi boldy

dep habarlaıdy QazAqparat atalmysh Qordyń baspasóz qyzmetine silteme jasap.

Rásim kezinde komandanyń bas demeýshisi «Samuryq-Qazyna» Ulttyq ál-aýqat qory eýropalyq sport qaýymy aldynda komandany qoldaýdaǵy óz josparlarymen bólisti. Qazaqstannyń Velosıped sporty federatsııasynyń prezıdenti Qaırat Kelimbetov: «Eýropada «Astana» komandasyna óte úlken mán beriledi. Óıtkeni, bul sońǵy 2 jyl ishinde búkil áıgili grand-týrlarda kóshbasshy bolyp kele jatqan sýperkomanda», dep atap kórsetti delingen baspasóz qyzmetiniń búgingi taratqan habarlamasynda.

Q.Kelimbetovtyń aıtýyna qaraǵanda, bıyl komanda jyl ishinde ótetin jarystardan jańa jeńistermen oralýdy maqsat etip otyr, sonymen qatar, 2012 jyly Londonda ótetin Olımpıadaǵa daıyndalyp jatyr.

Q.Kelimbetov eýropalyq sport qaýymyna Qazaqstan Velosport federatsııasynyń qysqa merzim ishinde 2 negizgi maqsatty kózdep otyrǵanyn aıtty: «Astana» komandasyn qoldaý jáne Qazaqstandaǵy velosıped sportyn damytý. «Astana» komandasynyń álemdik arenadaǵy jeńisi osy sport túrin el ishinde tanymal, qyzyqty etýge úlken múmkindik beredi dep oılaımyn. Ári, «Astana» brendi fýtboldaǵy «Real Madrıd» brendi sekildi boldy. Endi oǵan tek jankúıerlerdiń kóńilin ǵana emes, ınvestor, demeýshi, seriktesterdiń nazaryn aýdarý kerek. Bul sportshylar Eýropada jarysta júrgen kezde - Eýropadaǵy, Azııadaǵy, Qazaqstandaǵy halyqqa úlken qýanysh ákeledi. Biz de búkil álemmen qosylyp, olardyń jeńisterine qýanamyz dep oılaımyn», dep atap ótken saltanatty sharada Q.Kelimbetov.

Al, óz kezeginde Halyqaralyq velosıped sporty federatsııasynyń ókilderi demeýshiniń «Astana» komandasyn qoldaý jónindegi josparlaryna qanaǵattanyp, óz taraptarynan, bolashaqta velojarysty Qazaqstanda - álemdegi eń myqty komandanyń otanynda ótkizý týraly ıdeıany qoldaıtyndyqtaryn bildirgen.