Vena turǵyny Dýnaıdan 100 myńnan astam eýrony «súzip aldy»
ASTANA. QazAqparat - Avstrııalyq polıtsııa Venadaǵy Dýnaıda 100 myń eýrodan astam aqsha qaıdan paıda bolǵanyn anyqtap jatyr, dep habarlady Bıbısı.
Vena turǵyny banknotalardy kórip, sýǵa sekirgen. Sol jerde júrgen adamdar ony óz-ózine qol jumsaǵaly jatyr dep oılap, polıtsııa shaqyrdy, dep habarlady jergilikti BAQ.
Tártip saqshylary oqıǵa ornyna kelip, onyń 100 jáne 500 eýro nomınalyndaǵy aqshany terip júrgenin baıqady. Endi bul azamatqa aqshany sýdan alyp shyqqany úshin onyń bir bóligi berilýi múmkin.
Avstrııalyq polıtsııanyń baspasóz qyzmetinen habarlaǵandaı, quqyq qorǵaý organdarynda Dýnaıdan tabylǵan aqshanyń krımınaldy jolmen paıda bolǵany jaıly málimet joq.
