Vena turǵyndary velosıpedke aýysa bastady
ASTANA. Mamyrdyń 11-i. QazAqparat - Avstrııa elordasynyń turǵyndary «Sıtıbaık» tegin velosıpedter prokaty júıesin keńinen paıdalana bastady,
dep habarlaıdy ITAR-TASS agenttigi.
Avstrııalyqtardy avtobýstardan, tramvaılar men avtokólikterden velosıpedterge aýystyrý ıdeıasyn óziniń saýyqtyrý naýqanyn sonaý 2002 jyly bastaǵan «Gvısta» jekemenshik fırmasy usynyp otyr.
Joba jalǵa tegin beriletin velosıpedterge ornalastyrylatyn jarnamalardyń, sondaı-aq qala ókimeti bóletin qarajattyń esebinen qarjylandyrylýda. Ótken jyly Venada bul qyzmetti 400 myńdaı adam tutynǵan.
«Sıtıbaık» qyzmetin paıdalaný úshin aldymen 1 eýro bastapqy jarna tólep, arnaıy termınaldyń kómegimen tirkelý qajet, sodan keıin arnaıy qurylǵyǵa uıaly telefondy nemese bank kartochkasyn tosyp, shottan kepilsoma tólenedi. Eger velosıpedti bir saǵattyń ishinde turaqqa qaıtarsańyz, kepilsoma klıentke qaıtarylady.
