Vena, Rım, Shanhaı baǵytynda jańa áýe reısteri ashylady
ASTANA. KAZINFORM — Kólik mınıstri Nurlan Saýranbaev Úkimet otyrysynda bıyl ashylatyn áýe reısteri týraly málimet berdi.
— Memleket basshysy maquldaǵan úsh jyldyq josparǵa sáıkes jumystar bastaldy. Bıyl jańa halyqaralyq avıamarshrýttardy qaıta bastaý jáne ashý josparda. Sondaı-aq Vena, Rım, Shanhaı jáne taǵy basqa baǵyttar boıynsha reıster ashylady, — dedi mınıstr.
Onyń sózinshe, avıatranzıtti ulǵaıtý úshin avıaotynnyń baǵasyn aarzandatý sharalary qolǵa alynyp jatyr.
— Qazir «QazMunaıGaz-Aero» ónimi barlyq áýejaıda qoljetimdi, — dedi vedomstvo basshysy.
Keshegi Ulttyq quryltaı otyrysynda Prezıdent Qasym-Jomart Toqaev shıki munaı eksporttap otyrǵan Qazaqstanda avıakerosınniń baǵasy munaı óndirmeıtin elderden tıimsiz bolýyn «absýrd» dep ataǵan bolatyn.
