Vena kelisimi aıasynda Qazaqstannyń Qarýly Kúshteriniń nysandarynda halyqaralyq ınspektsııa bolyp qaıtty
ASTANA. 31 naýryz. QazAqparat - «1999 jylǵy senim men qaýipsizdikti nyǵaıtý sharalary týraly Vena qujaty kelisiminde kórsetilgen» erejelerge sáıkes Qazaqstannyń Qarýly Kúshteriniń vedomstvolarynda halyqaralyq ınspektsııa boldy.
Bul týraly QR Qorǵanys mınıstrliginen habarlady.
Atap aıtqanda, Shveıtsarııa ınspektorynyń qatysýymen Frantsııanyń ınspektsııalyq toby «Ońtústik» óńirlik qolbasshylyǵy qolbasshysynyń basqarmasynda jáne № 85395 áskerı bóliminde boldy. Tekserýdiń maqsaty - óńirde ornalasqan qazaqstandyq áskerı bólimdermen tanysý.
Tekserýshilerge arnalǵan brıfıngke QR Qorǵanys mınıstrligi janyndaǵy Qarý-jaraqty qysqartýdy jáne ınspektsııalyq qyzmetti qamtamasyz etýdi baqylaý jónindegi ortalyqtan polkovnık Anarbek Ahmetalın, «Ońtústik» óńirlik qolbasshylyǵy qolbasshysynyń birinshi orynbasary polkovnık Sultan Kamaletdınov, jedel basqarmanyń ofıtserleri, № 85395 áskerı bólimniń komandıri polkovnık Qaıdar Qaraqulov qatysty.
Brıfıng barysynda «Ońtústik» óńirlik qolbasshylyǵy men № 85395 áskerı bóliminiń ókilderi, áskerılerdiń qazirgi kezeńdegi tapsyrmalarymen jáne jaýyngerlik daıyndyq máseleleri, sondaı-aq óńirlik qolbasshylyqtyń qurylý tarıhy men ınfraqurylymy týraly, jeke quramnyń halyqaralyq jattyǵýlarǵa qatysýy, qyzmet pen sportta jetken jetistikteri jóninde habardar etti.
