Vena áýejaıynda ondaǵan reıster keıinge qaldyryldy jáne alynyp tastaldy
ASTANA. QazAqparat - Avstrııa astanasynyń Shvehat áýejaıynda tehnıkalyq sebepterge baılanysty ondaǵan reıister keıingi qaldyryldy jáne alynyp tastaldy. Bul týraly áýejaıdyń saıtynda habarlandy, dep jazady TASS.
«Eýrobaqylaý men avstrııalyq áýe qozǵalysy basqarmasy arasyndaǵy ushýlar jospary málimetterin berýmen baılanysty tehnıkalyq problemalar qazirgi kezde reısterdi keshiktirýge jáne alyp tastaýǵa ákep soqtyrdy», - delingen habarlamada.
Keıinge qaldyrylǵan reısterdiń jolaýshylaryna avıakompanııalarmen baılanysqa shyǵý usynyldy.
Áýejaıdyń habarlamasynda sondaı-aq keshiktirý 29 tamyzǵa deıin sozylýy múmkin ekeni aıtylǵan, osyǵan baılanysty jeksenbi jáne dúısenbi kúnderi áýejaıdan eki qosymsha poıyz Venanyń ortalyǵyna qaraı iske qosylady.
