Velotrekten Azııa chempıonaty: Qazaqstan 3 medal jeńip aldy
ASTANA. KAZINFORM – Qazaqstannyń velotrek quramasy Fılıppınniń Taıgataı qalasynda ótip jatqan Azııa chempıonatyndaǵy ónerin jalǵastyryp jatyr.
Ulttyq olımpıadalyq komıtettiń málimetinshe, jarys aıasynda ulttyq qurama úsh medal enshiledi.
Áıelder arasyndaǵy jeke qýý jarysynda Rınata Sultanova qola júldege ıe boldy.
Álisher Jumaqanov upaı boıynsha toptyq jarysta ekinshi nátıje kórsetti.
Sondaı-aq Ramıs Dinmuhametov pen Ilıa Karabýtov júldegerler qatarynan kórindi. Sportshylar medıson saıysynda kúmis medal jeńip aldy.
Buǵan deıin habarlaǵanymyzdaı, Ánel Táshbaı men Arýjan Qabdýlova trektegi velosporttan Azııa chempıonatynda top jardy.
