Velotrekten Álem kýbogynyń birinshi kezeńi joǵary deńgeıde ótýde - QR Memlekettik jattyqtyrýshysy
TANA. 5 qarasha. QazAqparat - Velotrekten Álem kýbogynyń birinshi kezeńi joǵary deńgeıde ótýde. Bul pikirdi búgin «Saryarqa» velotreginde ótip jatqan jarystar barysynda QR Memlekettik jattyqtyrýshysy Oleg Túsimhanov bildirdi.
«Bizdiń barlyq qonaqtar men jarysqa qatysýshylar sport qurylysyna óte razy jáne mamandar onyń óte jyldamdyqty ekendigin atap ótýde. Oǵan sportshylardyń joǵary nátıjege qol jetkizýi dálel bola alady. Keshe komandalyq jarysta Reseıdiń qurama komandasy óte jaqsy nátıje kórsetti»,- dedi ol.
Qazirgi ýaqytta «Saryarqa» velotreginde áıelder arasyndaǵy sprıntten jarystar ótýde. «Sportshylar joǵary nátıje kórsetýge tyrysýda. Óıtkeni bul jarystarda jeńiske jetý London olımpıadasynyń joldamasyn utyp alýǵa múmkindik beredi», - dedi O.Túsimhanov.
Ókinishke oraı, búgingi jarys barysynda birneshe sportshy jaraqat aldy. Atap aıtqanda, omnıým jarysy barysynda japon veloshabandozy Kanako Kasıo qulap, aýyr jaraqattandy. Sonymen qatar taǵy bir japondyq sportshy Seıhıro Nakagavada keırın jarysynda qulap qaldy.
