Velotrekten álem kýbogynyń Astana kezeńine qatysatyn qatysýshylardyń jartysy resmı jattyǵýǵa daıyn
ASTANA. 31 qazan. QazAqparat - Velotrekten álem kýbogynyń qazaqstandyq kezeńine qatysýǵa ótinish bergen sport delegatsııalarynyń shamamen jartysy elordaǵa keldi. Olar erteń «Saryarqa» respýbılkalyq velotreginde jattyǵýlaryn resmı bastaıdy.
Ótken aptada elordaǵa Germanııa, AQSh, Ulybrıtanııa, Ýkraına, Ońtústik Koreıa, Danııa, Lıtva, Jańa Zelandııa, Malaızııa, Túrkııa syndy memleketterdiń álemdik velosportta bedeli joǵary sportshylary keldi. Al búgin túnde jáne tańerteń elorda áýejaıy Italııa, Islandııa, Belgııa, Reseı, Kanada, Nıderlandy, Polsha, Qytaı men Gonkong komandalaryn qarsy alady. Sonymen qatar búgin Japonııa men Kýba veloshabandozdary Astanaǵa at basyn tireıdi.
Erteńgi jattyǵýlardyń resmı ashylýyna álemniń 22 eliniń 340 sportshysy men Velosport federatsııasynyń ókilderi qatysady.
Taıaý kúnderi Frantsııa, Avstrııa, Irlandııa, Ispanııa, Lıvan, Belarýs, Taıland, Taıvan, OAR, Shveıtsarııa, Fınlıandııa, Chehııa, Slovakııa, Grekııa, Meksıka, Argentına, Brazılııa, Trınıdad pen Tobago, Venesýela, Kolýmbııa, Iran, Ózbekstan elderiniń sportshylary Qazaqstanǵa keledi.
Qazirgi ýaqytta Álem kýbogynyń astanalyq kezeńine qatysýǵa 22 kásibı trek komandalary men 44 ulttyq quramasy ótinish berdi.
