Velotrekten álem kýbogyna kimder qatysady
ASTANA. QazAqparat - 18-20 qańtar kúnderi Jańa Zelandııanyń Kembrıdj qalasynda velotrekten álem kýbogynyń besinshi kezeńi ótedi dep habarlaıdy Olympic.kz.
Búgin kýboktik dodaǵa Qazaqstan atynan kimderdiń qatysatyny belgili boldy.
Kembrıdjde Pavel Vorjev, Andreı Chýgaı, Sergeı Ponomarev jáne Maksım Naletov jarys jolyna shyqpaq.
18 qańtar kúni erler men áıelder arasynda komandalyq sprınt jáne komandalyq iz kesý jarysynan alǵashqy júldeler jıyntyǵy sarapqa salynady.
19 qańtar kúni erler arasynda 30 shaqyrymdyq medıson, 15 shaqyrymdyq skretch jáne keırınnen kim myqty ekenin anyqtalmaq. Áıelder arasynda omnıým men jekeleı sprıntten jeńimpazdar belgili bolady.
20 qańtar kúni erler arasynda omnıým men jekeleı syn básekeleriniń fınaldyq kezeńi ótpek. Áıelder 20 shaqyrymdyq medıson, 10 shaqyrymdyq skretch boıynsha júldege talasady.
