Velosportty damytýǵa bólingen qarajat jymqyryldy – agenttik

NUR-SULTAN. QazAqparat – Sybaılas jemqorlyqqa qarsy is-qımyl agenttiginiń 1-shi departamentiniń asa mańyzdy ister jónindegi tergeýshisi Danııar Bekaıdarov «Astana» Prezıdenttik kásibı sport klýby» korporatıvtik qoryndaǵy jemqorlyq faktisi týraly aıtyp berdi, dep habarlaıdy QazAqparat tilshisi.

«Sybaılas jemqorlyqqa qarsy qyzmet sportty damytýǵa bólingen asa iri kólemdegi qarajatty urlaǵan «Týrızm ındýstrııasy jáne sportty qoldaý qory» qorynyń bas dırektory men onyń seriktesine qatysty qylmystyq isti aıaqtap, sotqa joldady. Ár aıyptalýshynyń kinálilik dárejesi týraly túpkilikti sheshimdi sot anyqtaıdy. Sonymen qatar, «Astana» Prezıdenttik kásibı sport klýby» korporatıvtik qorynyń basshylyǵy men laýazymdy tulǵalaryna qatysty velosportty damytýǵa bólingen qarajattyń jymqyrylý faktisi qaralyp jatyr. Taraptardy qylmystyq is materıaldarymen tanystyrý jumysy aıaqtalýda», - dedi ol onlaın brıfıngte.

Tanysqannan keıin is aıyptaý aktisimen qosa prokýrorǵa joldanady.