Velosporttan QR chempıonaty: Kezekti jeńimpazdar anyqtaldy
ALMATY. QazAqparat - Almatyda tas joldaǵy velosporttan ótip jatqan Qazaqstannyń ulttyq birinshiliginde kezekti jeńimpazdar men júldegerler anyqtaldy, dep habarlaıdy QazAqparat tilshisi.
QR Ulttyq olımpıada komıtetiniń baspasóz qyzmetinen málim etkendeı, jasóspirimder arasynda Evgenıı Fedorov Qazaqstan chempıony atansa, Gleb Brýsenskıı men Igor ıÝsıfov kúmis jáne qola júldegerler atandy.
Áıelder arasyndaǵy jekeleı synda (25 shaqyrym) Natalıa Saıfýtdınova márege birinshi keldi. Faına Potapova kúmis, Tatıana Geneleva qola júlde aldy.
Jasóspirim qyzdar arasynda (20 shaqyrym) Svetlana Paşenkoǵa teń keler eshkim bolǵan joq. Al Marına Kýrnosova men Anjela Soloveva kúmis pen qola medaldi sáıkesinshe qanjyǵalaryna baılady.
Esterińizge sala keteıik, keshe 50 shaqyrymǵa jekeleı jarysýdan Danııl Fomınyh chempıon atanǵan bolatyn. Velosporttan Qazaqstan birinshiligi 1 shildege deıin jalǵasady.
