Velosporttan Qazaqstan chempıonatynyń alǵashqy jeńimpazdary anyqtaldy
ALMATY. QazAqparat - Almatyda tas joldaǵy velosporttan Qazaqstan chempıonaty bastaldy. Búgin birinshiliktiń alǵashqy jeńimpazy men júldegerleri de anyqtalyp úlgerdi. Danııl Fomınyh 50 shaqyrymǵa sozylǵan jekeleı synda chempıon atandy, dep habarlaıdy «SPORTINFORM» SAA tilshisi.
Ol bul qashyqtyqty 1 saǵat 3 mınýt 42 sekýndta júrip ótti. Danııldan 1 mınýt 7 sekýndqa qalyp qoıǵan Igor Chjan - ekinshi, Andreı Zeıts - úshinshi oryndy ıelendi. Sondaı-aq Jandos Bıjigitov (1:05:22,32) - tórtinshi, Alekseı Lýtsenko (1:05:25,03) besinshi bolyp máre syzyǵyn kesip ótti.
Búgin áıelder men jasóspirimder arasyndaǵy jekeleı syn básekeleri ótedi.
